前排同中學同學食飯 依然可愛
一齊讀書咁多年 呢刻 差唔多除左我 全部都係大學生
如果抽一抽身出去望番入去 你會發覺呢個時刻真係好珍貴
大概就係十幾歲同廿幾歲GE分別
亦唔難了解到點解D小朋友被世人排擠 無他 腦荀未生埋 THAT'S IT
早左一步踏左出社會 如果問我有冇後悔唔讀落去
我可以答你 有1%後悔 原因係我冇得帶四方帽俾父母親影相
真的 學位對我黎講只係紙一張 重申 係對我黎講
由入唔到ITC開始 我就知自己唔會同其他人一樣為學位而鋪路
留意多左個世界 香港 唔係讀書GE好地方
我認真欣賞卓韻芝 我深信有一日我就係佢果種人
世界真係好大 因為不同的限制 我未可以走出去
但目標清晰 工作的最終目的就係唔工作
或者可以咁講 我感恩而家所得到GE一切 包括朋友同工作
我視之為經歷 係我將來IDEALIFE GE基層
我憤世 但我會參與 要生存 就有捨棄 就要有包容
做人並唔需要時刻都堅持 堅持其實好疲憊 某程度自己覺得型 但訓醒仍然要工作
學會放鬆同欣賞 然後時刻記住最終的目標
獨立地在群體生活 ...